Uman nga nagtaas ro presyo it itlog ag manok sa pilang baealigyaan eabi eon sa Metro Manila sa tunga it manipis nga supply ag nagtaas nga demand ko holiday season.
Base sa monitoring it Department of Agriculture, P180 hasta P220 pesos eon ro kada kilo it poultry products sa Metro Manila kumpara sa P145 hasta P180 pesos kada kilo ko Disyembre.
Suno kay United Broiler Raisers Association (UBRA) chairman Gregorio San Diego, sangkiri eang ro naga alaga it manok ag medyo naubos ro supply ko holiday season rason nga nagmahae makaron nga Enero.
Mas ginabakae sigon ro manok bangud nga mas barato raya kumpara sa baboy nga una sa P400 pesos eon ro kada kilo matapos ro Bag-ong Dag-on kumpara sa P300 hasta P350 pesos kada kilo ko Disyembre.
Sa pihak nga parte, ginpahayag man it Philippine Egg Board Association nga nabawasan man ro produksyon it itlog sa nasyon bangud sa mas mataas nga operating expenses it breeders tuga it nagmahae nga isiw ag sabud.
Nagahampang sa P6.40 hasta P7 ro farmgate price it medium-sized nga kada sambilog it itlog rason nga naga abot sa P8 hasta P9 eon ro retail price kara.
Ginpaathag ni San Diego nga maabu ro nag obra it cake, leche flan ag iba pang dessert ko holiday season rason nga nagtaas ro demand sa itlog maskin nga bukon it masyadong maabu ro supply.
