Kasunod it nagahilapit nga pista minatay nagadagsa eon man ro mga manugbakae it nagapanguna nga sangkap sa paghimu it kakanin.
Suno kay Betty Robelo, manugbaligya it asukar sa Kalibo Public Market nga ueubusan sa makaron ro stock it kaeamay bangud sa kakueangan it supply rason nga nagtaas kara ro presyo.
Maghalin sigon sa Antique ro nasambit nga mga kaeamay nga kung siin owa sa makaron it ani.
Paubos eon sigon ro anang stock it kaeamay eabi eon makaron nga sigidas eon ro pagdagsa it mga manugbakae.
Ro dating 65-66 kada kilo nga kaeamay hay P80 eon makaron.
Samtang, nagtaas man ro presyo it maeagkit nga kung siin ro dating P50 kada kilo hay gaabot eon sa makaron sa kapin 60-70 kada kilo.
Sa pihak nga parte,bastante sa makaron ro supply it asukar rason nga nagapabilin raya sa dating presyo partikular ro brown sugar nga P80 kada kilo.
