Presyo it karne it baboy posibleng makaangkon it pagbag-o makaron nga holiday season

KALIBO, Aklan—Owa it natabo nga paghueaga sa  presyo it karne it baboy sa Kalibo Public Market  sa pihak it nagahieapit nga pagselebrar it Paskwa.

Apang ginpahayag ni Roger Pastrana, sambilog sa mga tindero it baboy sa nasambitan nga tindahan nga posible pang may matabong pagbag-o sa presyo it karne makarun nga buean  ag raya hay   nakadepende sa magiging suplay it buhi nga baboy nga ginabagsak kanda.

Sa makarun hay naga-abot eun sa 220 ro kada kilo it karne it baboy.

Dugang pa kara nga ro sambilog sa mga rason kung ham-an nga nagamahae ro presyon it karne hay ro mga nagasueod nga biyahero nga nagapamakae it baboy agud nga daehon sa Metro Manila.