KALIBO, Aklan—Nagnaba makarun ro presyo it karneng baboy sa Kalibo Public Market.
Suno sa sambilog sa mga tindera nga ro paghueag it presyo sa pilang ka mga nagapanunang baeak-eon hay bangud sa pagnaba man it demand ukon numero it mga bumaeakae.
Nasayuran nga kapin sa 200 pesos eun lang makarun ro kada kilo it baboy maghalin sa dating presyo kara ga 220 pesos.
Samtang ro buhi man nga baboy hay nagahampang sa 120 pesos hasta 125 pesos kada kilo.
Sambilog pa sa may mabahoe nga epekto sa pagnaba it presyo it karneng baboy hay pagnaba man it delivery it mga baboy nga ginapadaea sa ibang lugar kapareho it Metro Manila.
Samtang sa pihak nga nagtaas man ro presyo it mga isda makarun sa Kalibo Public Market.
May pilang ka mga klase man it isda nga owa it makabakae sa merkado.
Nasayuran nga ro laplap hay 40 pesos ro kada kilo.
Galunggong, 160 pesos, tilapia, 100 ag maya-maya nga 200 pesos.
