KALIBO, Aklan—Nagapabilin nga mataas ro presyo it mga karne it baboy sa mga merkado publiko it probinsya it Aklan.
Raya hay epekto gihapon it padayun nga pagpanaeasa it African Swine Fever (ASF) sa Luzon ag pilang parte it Visasyas ag Mindanao.
Suno kay Engr. Remelyn Ricoter, Regional Director it Department of Agriculture (DA)-6 nga bentaha makaron para sa mga swine raisers ro mataas nga presyo it livestock.
Raya hay matapos nga makaangkon it kakueangan it supply it baboy sa Metro Manila tuga it ASF.
Aminado man si Engr. Ricoter nga makaron paeang nakaangkon it mabahoe nga ginansya ro mga hog raisers.
Ro balor makaron it buhi nga baboy hay nagahampanga halin 120 pesos hasta 170 pesos.
Sa pihak kara, ro mga lokal nga konsumidor man ro nagakalisod bangud sa masyadong mahae nga presyo it karne nga naga-abot eon sa 250 kada kilo.
