Owa ginaduea it Department of Agriculture ukon DA Region 6 ro posibilidad it pagtaas it presyo it karne sa Western Visayas sa masunod nga domingo bangud sa waea-tuo nga mga Christmas party hasta sa selebrasyon it Bag-ong Dag-on.
Sa interview it Bombo Radyo, ginpahayag ni Ma. Theresa Solis, head it Agribusiness Marketing and Assistance Division it Department of Agriculture ukon DA- Region 6 nga ro pagtaas sa presyo hay tuga it pagtaas man it demand kada holiday season.
Ginpahayag dugang nga kon madugangan ro presyo it mga karne hay magiging sangkiri eamang ukon kapin sa 20 pesos.
Nagapatigayon sigon sanda it monitoring sa kada probinsiya kun sa siin kaeabanan sa presyo it karne it baboy sa mga tindahan sa rehiyon hay naga-abot sa P350 kada kilo.
Ginpasiguro man ni Solis nga may bastante nga suplay it mga karne sa Western Visayas sa pihak it pagtaas it pagkinahangean it mga raya makaron nga kapaskwahan.
