Padayon ro pagtaas it presyo it katumbae nga labuyo nga naga-abot eon makaron sa ₱800 kada kilo suno sa Department of Agriculture.
Raya eon ro pinakamataas nga presyo makaron nga dag-on halin sa dating ₱550 kada kilo ko nagtaliwan eamang nga August 15.
Ginpahayag ni Agriculture Asec. Arnel de Mesa nga normal nga magtaas ro presyo bangud sa seasonality it katumbae.
Suno kay De Mesa, mahina ro katumbae sa uean ag madasig nga maeunot kon basa ro eugta.
Bangud kara, ginaduso it DA ro paggamit it greenhouse technology ag off-season planting bilang solusyon.
Mag-eowas kara, ginatun-an man ro posibilidad it pagbaligya it katumbae sa mga Kadiwa centers ag posible ro pagbo-oe it suplay halin sa iba pa nga rehiyon kapareho it Mindanao ag Visayas kun sa siin owa masyadong naga-uean.
Dugang pa ni Asec. de Mesa, magagamit man it R&D ukon research and development para mapabilin nga mabakod ro suplay it katumbae sa pihak it pagbag-o-bag-o nga paniempo.
