Posibleng tumaas it hasta P27.50 ro presyo it LPG kada 11-kilogram nga tangke bangud sa naga-grabe eon man nga tensyon sa Middle East.
Suno sa LPG Marketers Association (LPGMA), posibleng makaangkon it P2 nga dugang nga kada kilo, ukon P27.50 kada 11-kilong tangke. Owa pa it pinal nga haega it taas-presyo ro Department of Energy (DOE).
Suno kay LPGMA founder and chairman Arnel Ty, tumaas ro presyo it LPG sa world market bangud sa tensyon sa tunga it Estados Unidos, Saudi Arabia, ag Iran.
Ko nagtaliwan nga mga inadlaw suno kana hay nakaangkon it gulpiyada nga conflict sa Middle East sa tunga it US ag Saudi Arabia kontra sa Iran rason nga nag-trigger sa .price increase it LPG.
Gindugang pa nana nga medyu imposible ro rollback sa mga masunod nga buean bangud nga maga-umpisa ro winter stockpiling.
Laygay ni Ty sa publiko nga ipahaum anay ro tanan nga mga sangkap bago mag-eaha ag eahaon ro mga raya it dueueungan agud nga makatipid it hasta sa 20% sa konsumo it LPG.
Ginpahayag man it DOE, masyadong madasig nga magbag-o ro sitwasyon sa Middle East, rason nga pwede man kara nga maapektuhan ro ginaeauman nga rollback sa iba pang produktong petrolyo.
