Bangud sa sigidas nga pagtinaas ko presyo it langis, inde eon man maawat nga magsitaasan ro iba pang produkto kaparehas eon lang it manok.
Raya hay matapos nga nagabyahe pa halin sa syudad it Iloilo ro supply it manok nga ginabaligya it mga negosyante sa probinsya it Aklan.
Suno sa negosyante nga si Peter Masongsong, bukon eon it bastante ro andang ginakita sa kada adlaw nga pagbaligya bangud nagaabot eon sa P185 pesos ro andang capital kon siin ginapatungan eamang nanda raya it P10 pesos.
Ginpahayag dugang nga nagaatras eon ro mga bumaeakae bangud sa kamahae it presyo matapos nga kada dominggo hay nagasaka raya it tig limang piso rason nga kinahang-ean man nanda nga magpataas it andang negosyo.
Suno pa kay Masongsong, uwa man ginakueang sa supply it manok apang bangud sa kamahae it produktong petrolyo rason nga nagatinaas man ro mga baligya makaron nga tyempo.
