KALIBO, Aklan–Uman nga nagpatuman it pagtaas sa presyo it kada kilo it manok ro mga negosyante sa probinsya it Aklan.
Suno kay Peter Masongsong, sangka negosyante sa banwa it Kalibo nga raya eon ro ikatlong beses nga pagpataas sa presyo it manok.
Sa makaron suno kana hay nagahampang eon sa P170 hasta P175 ro presyo it kada kilo it manok sa mga baealigyaan.
Ginapatihan nga tuga raya it domino effect it padayun nga pagtaas it presyo it produktong petrolyo nga gindunganan pa it bird flu outbreak sa bahin it Luzon.
Suno kay Masongsong, mabahoe ro naging epekto it nasambit nga outbreak sa suplay it manok sa nasyon.
Ro andang stock sigon makaron hay kaeabanan nga nagahalin sa probinsya it Iloilo matapos nga bawaean ro pagtransport it mga poultry products halin sa Luzon.
