KALIBO, Aklan—Nagapabilin sa dating presyo ro mga bouquet of flowers ag iba pa nga pang regalo sa mga pinalangga sa kabuhi nga makit-an sa flower shop nga nahamtang sa Roxas Avenue, Kalibo para sa selebrasyon makaron nga adlaw it valentine’s day.
Suno sa mga vendor, uwa it paghueag ro presyo it mga raya bangud nga bastante ro supply maghalin sa andang supplier sa syudad it Baguio ag ro iba hay sa Metro Manila pa naghalin.
Naga-umpisa sa P150 pesos ro may design eon nga sangka stick it rosas ag ro iba hay nakadepende sa klase it bueak ag design ro presyo it mga raya.
Nauna eon nga agahon pa nagbukas ro mga tag-iya it flower shop sa pag-eaum nga mabuhinan it agahon pa ro andang mga baligya bangud nga nakaangdan eon it mga pinoy ro pagta-o it regalo sa andang partner maging sa andang himata bilang pagpakita ag pagpatungod it andang pagpalangga.
