Presyo it mga pagkaon sa bilog nga kalibutan, nakalista it mataas nga record ko Pebrero

KALIBO, Aklan—Nakalista it mataas nga record ro presyo it mga pagkaon sa pang kalibutanon nga merkado ko buean it Pebrero.

Base sa United Nation Food Agency, raya hay matapos makalista it 24.1% nga pagtaas kasunod it pagsipa it presyo it mga dairy product ag vegetable oil.

Suno sa Food Price Index it Food and Agriculture Organization nga naga-monitor sa Globally Traded Food Commodities, nailista ro 140.7 average nga puntos ko Pebrero, mas mataas sa 135.4 points ko Enero.

Pila sa mga rason it pagtaas it presyo it pagkaon hay ro padayun nga krisis sa COVID-19.