KALIBO, Aklan–Padayun ro pagtaas it presyo it mga school supplies.
Suno kay Jhanilyn Rome, saleslady sa sangka baealigyaan it school supplies sa banwa it kalibo nga nagtaas man ro presyo it andang supplier nga kaeabanan nga naghalin sa manila ag Iloilo.
Medyu mahina pa sigon ro pagpamaeak-ean bangud sa posibilidad nga ro iba hay nagahueat pa it mga requirements sa ekwelahan.
Ginkumpirma man kara nga kaeabanan nga nagtaas it piso hasta daywang piso ro presyo it composition, writing ag spiral notebooks depende sa brand.
Mag-eowas kara , nagtaas man ro presyo it pad papers para sa grade 1 hasta grade 4 kamana man ro mga intermediate paper.
Haeos tanan sigon nga gamit sa eskwelahan kapareho it lapis ag eraser nagtaas man.
Nagpadumdum man sanda nga indi maghueat it last minute bangud nga nagapatuman gihapon sanda it physical distancing ag iba pang health protocols.
Ginaeauman nga sa lunes pa magabuhos ro mga nagabakae it school supplies.
