Manaba pa sigon sa makaron ro presyuhanan ku mga tinuea sa Kalibo Public Market pero saligan nga magataaas bangud sa Low Pressure Area ag sa mga sunod-sunod nga mga okasyon.
Raya ro naging pahayag it negosyanteng si Rommy Agustino, sangka stall owner sa nasambit nga merkado publiko.
Sa makaron suno kana, ro repolyo hay 40/kl, carrots 45/kl, patatas 120/kl, sibuyas 180/kl, bawang 130/kl.
Raya sigon hay magabag-o umpisa sa petsa 24 it disyembre bangud sa paskwa ag bag-ong dag-on.
Suno kana nga nag-abiso euta ro andnag mga supplier nga magapasaka sanda it presyo bangud nga kueang ro supply it Baguio.
Opinyon nana nga ipangamuyo eang gid na indi magtaas ro presyo bangud sa eain ku panahon, pahayag nana nga kung indi makabyahe ro barko hay ginapaeroplano nanda ro mga tinuea angani nga nagadoble man ro presyo it abot kanda.
Sa makaron sigon hay kaya pa it 1 week ag indi pa masamad para para pa sa paskwa.
Pagsaysay ni Hon. Agustino nga amat’amat eun nga nagadagsa ro mga manugbakae sa nasambit sa merkado ag madahog eun man sigon ro mga tinuea.
Pag-engganyo nana nga samtang barato pa hay magbakae eun sigon ro mga konsumedor.
