Sa tunga it owa it untat nga oil price hike, haeos limang beses eon man nga nagtaas ro presyo it lubricants ukon motor oil.
Suno kay Ernie Arnold Ang, presidente it Auto Parts Association, ro nasambit nga pagsirit it presyo hay natabu sa nagtaliwan eamang nga sang dag-on.
Halin sa dating 1,500 pesos sa kada sangka galon it lubricant, nagahampang eon makaron ro presyo kara umpisa 2,000 pesos hasta 2,500 pesos.
Nasayuran nga ro rason kara hay bangud sa mataas nga presyo it lubricant sa world market nga imaw ro naka-apekto sa baligyaan kara sa mga lokal nga baealigyaan.
Sa pihak nga parte, ginaeauman eon man makaron nga adlaw it lunes ro pag anunsyo it mga oil companies it panibag-o eon man nga umento sa presyo it produktong petrolyo.
Suno sa oil indrustry sources, P2.00 hasta P2.50 ro posibleng igasaka sa kada litro it diesel.
May una man nga pagaeauman nga umento sa gasolina nga posibleng umabot it 20 sentimos hasta 50 sentimos sa kada litro kara .
