Nagtaas ro presyo it paeay nga umabot sa kapin P22 rason nga pagaeauman man ro pagtaas it presyo it bugas nga maga-abot sa kapin P39 asta P40.
Suno kay Engr. Rosendo So, ro chairman it Samahan ng Industriya ng Agrikultura, ro rason it pagsirit it presyo hay tuga it mataas nga presyo it abono ag produktong petrolyo.
Ginkumpara ni So ro dating presyo it abono nga kapin sa P950 apang kapin sa P2,500 eon ro haega it kada sako sa makaron kung siin makabig nga 2 asta 3 beses ro gintaas it presyo.
Nagapati man si So nga sa masunod nga dag-on hay posibleng magnaba sa P27 ro presyo it bugas kung tama ro direksyon sa produksyon.
Samtang, eaygay man ni So sa mga mangunguma nga samtang nagahueat it pag-ani it paeay hay mas mayad nga magtanum man it mga tinuean-on.
