Owa makaron nagapaearihas ro presyo it mga panakot sa merkado publiko sa banwa it Kalibo.
May pila kara nga mga presyo ro nagtaas may una man nga may pagnaba.
Raya ro ginpahayag it sangka negosyante sa Kalibo Public market nga si Reynando Zonio.
Suno kana nga kaeabanan makaron sa mga panakot hay stable ro presyohanan bangud sa harvest season.
Angot kara nagtaas it kapin sa P10 kada kilo ro presyo it euy-a nga ro dating P40 hay gaabot makaron sa P50 kada kilo.
Samtang, nagnaba man ro presyo it sibuyas nga maghalin sa dating P150 kapin sa P120 lang makaron kamanaman ro bawang nga P100 kada kilo.
Nagtaas man ro presyo it pipino nga maghalin sa dating P30-P40 kada kilo hay gaabot eon makaron sa kapin P60.
Sa pihak nga parte, eauman sigon it mga manugbakae nga ro nasambit nga presyohanan hay hasta pa sa buean it Mayo.
