Bangud sa sigidas nga pag inuean-uean sa banwa it Probinsya it Aklan ag sa pilang ka mga kaeapit nga kaprobinsyahan hay magpagtaas makaron ro presyuhanan it pilang ka mga tinuean-on sa merkado publiko.
Raya hay suno kay Jella Rotor sangka negosyante sa Kalibo Public Market.
Ro pilang ka mga tinuea sigon nga anang baligya hay maghalin pa sa syudad it Iloilo nga kung siin naga inuean man sigon sa nasambit nga lugar rason it pagsaka it presyo it nasambit nga mga tinuea-on.
Sa price monitoring it Bombo Radyo Kalibo, ro presenteng presyo it mga tinuean-on sa merkado publiko kapareho it talong hay nagadaeagan sa kapin P80 kada kilo kung wholesale, P90 mat-a kung retail kamana man sa ampalaya.
Ro dati sigon nga P40 kada kilo nga pipino hay P60 eon makaron; takway P90; sitaw P70 ag euy-a P40.
Mag-eowas kara nagbarato mat-a ro presyo it pechay nga kung siin ro dating nagadaeagan sa P150 kada kilo hay gaabot eon lang sa makaron sa kapin P70 kada kilo.
Angot kara, mas barato sigon ro mga tinuea-on nga ginabuoe nanda maghalin sa bukid kumpara sa mga tinuea-on nga maghalin sa patag nga taeamnan nga ginabaha kung magbubu ro uean
