-- ADVERTISEMENT --
KALIBO, Aklan–Nagtaas ro presyo it pilang tinuean-on sa merkado publiko bangud sa kakueangan it suplay kara sa probinsya it Aklan.
Raya hay suno sa sangka negosyante nga si Violeta Masagnay.
Bangud sigon sa mauean nga panyempo hay nakaka-eksperyensya it pagbaha ro pilang ka mga taeamnan sa probinsya partikular sa Brgy. Tinigaw, Kalibo.
Ginakasubo man sigon nanda nga owa eon haeos makaron it tig 5 pesos nga mga tinuea kumpara dati.
Ro dati sigon nga 15 pesos kada bugkos nga tangkong hay 20 pesos eon makaron; ro gutaw nga dating 20 kada kilo hay makaron gaabot eon sa 50 kada bugkos ukon katumbas it 2 kilo.
-- ADVERTISEMENT --
Samtang, nagapabilin man sa andang mga dating presyo ro pilang ka mga tinuea ag baeak-eon apisar nga naga-sangkiri ro suplay.
