Owa ginaduea it Department of Energy ro posibilidad nga uman sa gihapon nga magataas ro presyo it produktong petrolyo sa masunod pa nga mga dinominggo.
Raya hay sa tunga sa gihapon it pilang domingo eon nga sunud sunod nga big-time oil price hikes nga ginapatuman it mga oil companies.
Ginpahayag ni DOE-Oil Industry Management Dir. Atty Rino Abad nga posible sa gihapon nga makaaangkon it umento sa oil prices sa masunod nga mga domingo.
Raya hay maskin nga nagaguwa sa projection nga nagnaba ro demand sa fuel ag nagnaba man ro trading prices sa world market.
Ginpaathag ni Abad, nagdungan makaron ro padayun nga paghina it presyo it piso kontra sa dolyar.
Engkaso suno kana nga makaangkon it movement sa presyo it petrolyo, basi nga pareho eang ro presyo ukon sangkiri eamang ro pagbag-o.
Hin-aga nga adlaw it martes, ginaeauman nga makaangkon it pagtaas ag pagnaba sa presyo it mga produktong petrolyo bangud sa mahina nga pagbaeayluhan it piso kontra sa dolyar.
Posible sigon nga magtaas it piso ro kada litro it diesel samtang eampas sa piso ro kada litro it kerosene.
Ginaeauman nga makaangkon it rollback sa gasolina.
