KALIBO, Aklan—Uman nga nakaangkon it pagtaas sa presyo it produktong petrolyo umpisa makaron nga adlaw it Martes.
Suno kay Jebel Gonzales, officer in-charge it Petro Gazz nga nahamtang sa Brgy. New Buswang, Kalibo nga uwa sigon sanda it mahimo sa sigidas nga pagtinaas ko presyo it petroleum products partikular ro gasolina bangud nga nagasunod malang sanda sa laye maghalin sa andang head office.
Apang, may pagnaba it sangkiri sa diesel kon siin makabawi kara ro iba nga nagagamit it diesel.
Ginpahayag dugang ni Gonzales nga aware man ro mga motorista sa sigidas nga pagtinaas it presyo it produktong petrolyo bangud nga nagapaguwa man it abiso ro mga maeagkuan nga kumpanya it langis.
Bangud kara, antes pa man magtaas ro presyo it petrolyo hay nagapatayon eon ro mga raya sa andang behikulo agud nga maka-save maskin sangkiri manlang.
