KALIBO, Aklan–Nababatygan eon makaron it mga bumaeakae ro epekto it importasyon it sibuyas sa nasyon.
Raya hay matapos ro amat-amat eon nga pagnaba it presyo it sibuyas sa merkado publiko.
Suno kay Rommy Augostino sangka negosyante sa Kalibo Public Market nga amat-amat eon ro pagnaba it presyo it sibuyas.
Ro dati sigon nga P280-P300 kada klo it sibuyas hay naga-abot eon lang makaron sa 240 kada klo.
Nagnaba man sigon ro presyo it iba pang mga panakot ag pilang ka mga tinuean-on bangud sa bastanteng suplay kara maghalin sa Iloilo.
Ginasugid nga ro dating P60 kada klo it kamatis ha gaabot eon lang makaron sa kapin P35 kada klo.
Samtang, may paghueag man sa presyo it bawang bangud sa kakueangan it suplay kara sa nasyon.
Kung siin naga-abot eon makaron sa kapin P90 ro kada kilo.
Sa pihak nga parte, indi pa sigon masayuran it mga negosyante kung padayon eon ro pagstable it presyo it mga panakot bangud nakadepende man sigon ro suplay it mga produkto sa daeagan it panyempo sa nasyon.
