Amat-amat eon nga naganaba ro presyo it sibuyas sa mga merkado.
Raya hay matapos nga nag-umpisa eon ro pag-harvest it mga mangunguma it sibuyas sa rehiyon it Luzon.
Suno kay Roselyn Relado, focal person sa price monitoring sa probinsya it Aklan nga nagaabot makaron sa P400 pesos ro kada kilo it sibuyas bombay.
Posible pang maganaba ro nasambit nga presyo sa mga masunod nga inadlaw bangud sa pag-abo it supply.
Sa pihak kara, may nataeopangdan nga paghueag sa presyo it itlog apang ro manok hay nagapabilin sa dating haega nga P200 pesos kada kilo.
Samtang sa mga isda, ro bangus hay ginabaligya sa P180 peso per kilo; tilapya nga P100 pesos/kilo ag sapsap nga P140 pesos/kilo.
Ginpahayag dugang ni Relado nga pag-abot mat-a sa highland vegetables, ro repolyo hay P65 pesos ro kada kilo; carrots nga P60 pesos/kilo; baguio beans nga P100 pesos/kilo; patatas nga halin sa dating P160 pesos hay may mabakae eon makaron nga P130-P120 pesos/ kilo; chinese cabbage nga P70 pesos/kilo ag sayote nga P40 pesos/kilo.
Samtang sa low land vegetables mat-a ro ampalaya hay P120 per kilo; sitaw ukon hamtak nga P150 per kilo; native pechay hay P180 pesos/kilo; kalabasa nga P35 pesos/ kilo; talong nga P120 pesos/ kilo ag kamatis nga P50 per kilo.
Samtang, sa karne it baboy hay nagaabot sa P220-P240 pesos
