BUSINESS News —- Nakataeana eon man nga magpatuman it price adjustment sa tinapay.
Raya ro ginpahayag ni Asosasyon ng Panaderong Pilipino Director Jam Mauleon tuga it pagtaas it presyo it asukar.
Sambilog sigon sa mga negosyong tinamaan it price increase hay ro mga panadero nga nagagamit it asukar sa haeos tanan nga klase it tinapay.
Ginpaathag ni Mauleon nga kinahangean nanda nga magpatuman it adjustment agud nga “maka-survive” ro andang pangabuhian.
Mag-eowas sa asukar, nag-abiso man it dugang nga presyo sa supermarkets ro mga manufacturer it 28 nga produkto maskin nga bukon man sigon raya it basic goods
Ginpahayag man ni Trade Undersecretary Ruth Castelo nga madali eon lang nga pagadesisyunan it Department of Trade and Industry (DTI) ro hirit nga increase it sangkaterbang basic goods nga ko nagtaliwan nga administrasyon pa ginhinyu.
Ginpasiguro ni Castelo nga engkaso nga pasugtan it DTI, bukon man suno kana it sobra-sobra ro magiging dugang nga presyo sa mga nagapangunang baeak-eon.
