Ginapahanugutan it Department of Labor and Employment (DOLE) ro mga kumpanya sa pribadong sektor nga magpatuman it flexible work arrangements basta’t may kasugtanan ro employer ag mga empleyado.
Suno sa DOLE, ginapasugtan it laye ro nagkaeain-eain nga klase it work rotation ukon schedule kon raya hay parehong ginpaboran it daywang kampo.
Ginpaathag ni DOLE Bureau of Working Conditions Director Alvin Curada nga mabuhay eon man nga may polisiya ro gobyerno para sa alternative ag flexible work arrangements.
Ginsambit man nana ro daywang posibleng pamaagi para maipatuman ro four-day workweek nga uwa naaapektuhan ro sweldo, benepisyo ag kabilugang trabaho it mga empleyado.
Ro unang opsyon hay pahabaon ro oras it trabaho kada adlaw nga eampas sa waeong oras, basta’t inde mag-eampas sa normal nga weekly workload.
Ro ikaywang opsyon hay ipabilin ro regular ro schedule halin Lunes hasta Huwebes nga alas-8 it agahon hasta alas-5 it hapon, samtang pagahimuon nga hybrid setup ro Biyernes.
Samtang, gin-insister it Employers Confederation of the Philippines (ECOP) nga dapat tun-an it mayad ro anumang work arrangement agud masiguro ro kaeowasan ag productivity it mga trabahante.
