KALIBO, Aklan — Nagpatuman it price freeze ro Department of Trade and Industry (DTI) Aklan sa mga naga pangunang baeakeon sa isla it Boracay.
Raya ro gin kumpirma ni Officer-In-Charge Maria Carmen Ituralde it DTI-Aklan sa eklusibong interview it Bombo Radyo Kalibo.
Suno kay Ituralde raya hay kadunghan it pagpaidaeum sa tatlong barangay it isla ro barangay Manoc-manoc, Yapak ag Balabag sa state of calamity bangud sa maximum of six months closure it Boracay maghalin ku Abril 26 para sa rehabilitation efforts.
Gin pahayag dugang pa kara nga awtomatikong nagdeklara it price freeze sa sangka lugar kun raya hay sa idaeum it state of calamity.
Bangud sa nasambitang price freeze, indi pwedeng pataasan ro presyo it bugas, karne, gulay ag iba pang prime commodities sa isla.
Ro sin-o man nga magpaataas sa presyo it andang mga produkto hay posibleng maga pangatubang sa naga kaigong penalidad, kaeakip eon ro suspensyon ag kanselasyon it andang mga permit para sa negosyo.
May kaangtanan kara, hugot nga gina bantayan it DTI-Aklan ro mga business owners ag establishments sa isla agud masiguro nga naga tuman ro mga raya.
