Nag-resign sa anang puwesto ro prime minister it Mongolia bangud sa magarbong pagpangabuhi it unga.
Si Luvsannamsrain Oyun-Erdene hay nagdesisyon nga magpanaog sa puwesto matapos ro pagkalhit it litrato ag video it anang unga nga eaeaki nga nagapangabuhi it magarbo.
Sa mga litrato hay makita ro mga pag-shopping it anang unga kaibahan ro nobya sa andang engagement holiday.
Bangud kara hay bumuhos ro batikos halin sa mga kritiko ag ginpahayag nga owa it ikasarang ro mga raya nga makabakae it mga maeahaeon nga gamit kun owa sanda sa puwesto.
Maabung prostesters ro nagtililipon sa karsada para ipinawagan ro pag-resign ni Oyun-Erdene.
Ginpamalibaran man ni Oyun-Erdene ro nasambit nga alegasyon ag ginpahayag nga raya hay sangka pagpanamad eamang kana.
Bangud sa insidente, nagbotohan ro mga miyembro it parliamento ag nagdesisyon sanda nga mapahalin si Oyun-Erdene.
