Ginplastar sa ginhiwat nga Legislative Executive Advisory Council (LEDAC) meeting sa Malacanang kahapon ro mga proposisyong laye nga prioridad nga igapatuman it administrasyong Marcos.
Kaibahan sa mga gintalakay sa LEDAC meeting mag-euwas sa mga lehislasyon nga igaduso it administrasyon hay ro mga sueundanan para sa common legislative agenda ukon CLAS ag ro mga kinahangean nga pagbag-o sa COVID 19 Vaccination Program Act.
Pila pa sa mga priority legislation nga ginaduso it ehekutibo hay ro Budget Modernization Bill, Government Financial Institutions Unified Initiatives to Distressed Enterprises for Economic Recovery (GUIDE) ag Unified System of Separation, Retirement and Pension.
Ro mga economic bills mat-a nga kaibahan sa priority legislation it palasyo hay ro E-governance Act, National Land Use Act, Tax Package 3 ukon Valuation Reform Bill, Passive Income and Financial Intermediary Taxation Act ag Internet Transaction Act o E-Commerce Law.
Ro LEDAC hay ginbilog pamaagi sa Republic Act 7640 ko December 9, 1992 para magserbing consultative ag advisory body sa presidente it nasyon.
Sa idaeom it laye, ro LEDAC hay kinahangean nga magpatigayon it maskin sangka pagpueong kada quarter, apang posible rayag ipatawag it pangueo pamaagi sa special meetings kung kinahangeanon.
