KALIBO, Aklan — Ginapadasig eon it Department of Transportation (DOTr) ro plano nga pag-privatize sa operasyon ag pagdumaea it ap-at nga mabahoe nga airport, kaibahan eon ro Kalibo International Airport sa dag-on 2025.
Suno kay Transportation Undersecretary for Aviation Roberto Lim, ro iba pa nga mga airport nga igapaidaeum sa privatization hay ginaeakipan it Davao International Airport, Puerto Princesa International Airport, ag Iloilo International Airport.
Tuyo kara nga maitau ro pagdumaea sa nasambit nga mga paeuparan sa private entities sa masunod nga dag-on.
Sa privatization, ginaeauman it ahensya nga mapabaskog ro efficiency, services, ag infrastructure sa nasambit nga mga airport ag mapanami pa ro overall travel experience.
Ro nasambit nga tikang hay pagahimuon it DOTr kasunod it madinaeag-on nga privatization it Ninoy Aquino International Airport (NAIA).
Nagapati ro ahensya nga ro pag-intra it pribado nga sector hay makapamayad pa sa operational efficiency ag kalidad it serbisyo sa mga airport.
