KALIBO, Aklan — Nagpaeupad it drones ro Police Regional Office (PRO)-6 ag Provincial Disaster Risk Reduction and Management Office (PDRRMO) agud mas pang mabantayan ro daeagan it trapiko ag mapabaskog ro kampanya kontra sa kriminalidad sa Kalibo Sto. Nino Ati-Atihan Festival 2018.
Ayon kay SPO1 Nida Gregas, tagapaghambae it Aklan Police Provincial Office, kadunghan raya it iga patigayun nga send-off ceremony sa haeos 100 porsiyentong deployment it security forces it “Site Task Group Ati” agud magbantay sa seguridad it selebrasyon.
Sa pihak nga parte, magapatuman it zero signal maeapit sa Kalibo Pastrana Park, Kalibo Cathedral ag mga kalye nga pagahiwatan it street dancing routes sa mismong kaadlawan it festival sa Enero 21.
Bangud sa signal jamming, tanan nga mobile data, internet ag tawag hay magiging unavailable sa mga subscribers bangud sa temporary shutdown nga maga umpisa alas-8:00 hasta it alas-10:00 it agahon ag posibli pang ma-extend.
