KALIBO, Aklan–All set eon ro bilog nga pwersa it Police Regional Office (PRO)-6 sa pagtao it seguridad para sa May 9, 2022 national and elections.
Nasayuran nga masobra 12,000 ka mga police personnel ro gindeploy sa nagkaeain-eain nga lugar sa bilog nga Western Visayas.
Suno kay Police Lieutenant Colonel Arnel Solis, tagapaghambae it PRO-6 nga mabuhay eon nga haum ro andang mga personnel sa pagpasiguro it kaayusan ag katawhayan sa bilog nga komunidad.
Nag-apela man raya it suporta sa mga pumueoyo para maging madali ro andang pagbantay.
Samtang, sigidas sigon ro andang pagpatigayun it random checkpoint bilang kaparte it preparasyon sa eleksyon.
Ginapahayag nga may sangka persona nga nadakpan nga nag-eabag sa unang adlaw it implementasyon it liquor ban sa banwa it Malay.
Ro nasambit nga persona sigon hay una sa idaeom it impluwensya it makahieilong nga ilimnon ag nabue-an pa it pilang bote it aeak.
Matueopangdan nga hugut nga ginbawae it Comelec ro pag-inom ukon pagbaligya it aeak umpisa Mayo 8 hasta 9 para taw-an it daean ro maayos nga eleksyon.
Sa pihak nga parte, ginpasiguro it Aklan Police Provincial Office (APPO) nga nakaposte eon ro tanan nga mga kapulisan para magbantay sa eleksyon.
Suno kay PSSgt. Jane Vega, tagapaghambae it APPO nga padayun ro andang pagmonitor sa mga daeanon ag hugut nga pag-implementar sa ginapatuman nga liquor ban.
Ginpabugae man kara nga owa sanda it nailitang election-related incident sa bilog nga probinsya kamana man nga owa it natumod nga areas of concern.
