KALIBO, Aklan— Gin-engganyo it mga kapulisan ro mga turista sa Isla it Boracay nga bantayan ro andang mga gamit agud inde mabiktima it mga kawatan.
Raya ro panawagan it Police Regional Office (PRO-6) matapos nga mabiktima it salisi gang ro magkarelasyong Italian nationals kon siin natakaw sa mga raya ro kapin sa $60 ag P15,000 cash.
Narekober sigon ro nasambitang kahita sa banwa it Kalibo, Aklan apang uwa eon raya naibalik sa tag-iya matapos nga inde eon sanda mahagilap sa makaron.
Suno sa PRO-6, apisar nga hugot ro pagbantay it mga pulis sa mga matawong lugar sa Isla, inde eon sigon nanda ma-monitor ro kada turista sa lugar.
May kaangtanan kara, ginapasiguro it mga otoridad nga inde eon nanda mapasugtan it uman nga matabo pa ro panakawan sa Boracay.
Makahueoya sigon raya bangud bag-o eamang nga bukas it uman ro sikat nga Isla hay may bisita eon nga natakawan.
