KALIBO, Aklan – – – Indi maga daywang isip ro Police Regional Office 6 nga magapadaea it dugang nga mga pulis engkasong magkagulo sa nakataeanang pagpasara sa isla it Boracay sa maabot nga Abril 26.
Sa interview it Bombo Radyo, gin hayag ni Police Chief Inspector Joem Malong, tagapaghambae it PRO-6 nga kasunod raya it mga napabalitang paglunsar it protesta agud baeabagan ro Boracay closure.
Maga pangibabaw sigon ro pag amlig sa tawhanong kinamatarung dahilan nga hugot nga iga patuman ro maximum tolerance partikular eon sa mga rally.
Suno pa kana nga sa makaron hay may kabilogan nga 610 nga mga pulis ro naka-deploy sa Boracay ag mainland Malay.
Tinotuyo sigon kara nga masigurong malinong ag maayos ro pagpatigayun it rehabilitasyon sa isla.
Samtang, nag apela man si Malong it suporta it mga residente ag stakeholders sa isla it Boracay.
