KALIBO, Aklan—Kapin sa 2,085 nga police personnel ro nakabantay makaron nga Todos Los Santos sa bilog nga rehiyon it Western Visayas.
Suno kay Police Lieutenant Colonel Joem Malong, tagapaghambae it Police Regional Office (PRO)-6, naka-alerto eon sigon ro andang linya agud nga masiguro ro kaeowasan it linibu nga mga tawo nga magabisita sa andang mahae sa kabuhi nga nagtaliwan eon sa nagkaeain-eain nga sementeryo.
Nagbutang sigon sanda it Help assistance desk sa mga sementeryo, terminals ag maskin sa mga tourist destination agud nga makaresponde eagi ro kapulisan engkaso nga makaangkon it problema.
Makaron nga adlaw suno kana hay matestingan ro andang ginplastar nga security plan sa idaeum it “Oplan Ligtas Undas 2019”.
Samtang, ginpadumdum man ni P/Lt.Col. Malong ro mga pumueuyu nga hugut nga ginabawae sa sueod it sementeryo ro mga deadly weapons, aeak ag mga mabaskog nga pagpatukar.
