KALIBO, Aklan–Apisar nga natapos eon ro eleksyon, padayun gihapon sa pagpadumdom ro Police Regional Office (PRO)-6 angot sa implementasyon it Comelec gun ban.
Suno kay Police Lieutenent Colonel Arnel Solis, tagapaghambae it PRO-6, base sa pinaka-ulihing datus nakalista sanda it kapin sa 215 ka mga violator sa bilog nga Western Visayas.
Ginakaeakipan raya it 70 nga violator halin sa Negros Occidental, 39 sa probinsya it Iloilo, 25 sa Aklan, 22 sa siyudad it Iloilo, 20 sa Antique, 19 sa siyudad it Bacolod, 12 sa Capiz ag 8 sa probinsya it Guimaras.
Naga-abot man sa 123 ka mga firearms ro nakumpiska samtang 108 ro bladed weapons.
Ro sin-o man nga mag-eabag sa naga-iral nga Comelec gun ban hay posibleng magpangatubang sa pagkakulong it sang dag-on hasta an-om nga dag-on, disqualification from public office kamana man nga pagabue-an it kinamatarong nga magboto.
Madumduman nga nag-umpisa ro nationwide gun ban ko Enero 9 ag magabuhay it hasta Hunyo 8, 2022.
