KALIBO, Aklan—Hugut nga ginabawaean it Police Regional Office (PRO)-VI ro mga katapo it kapulisan nga magsugae ukon adto adto sa mga bueangan ag ro pagbaligya sa andang mga service firearms.
Suno kay Police Superintendent Joem Malong, tagapaghambae it PRO-6 nga ginabawae ro pagsangla ukon pagbaligya sa mga propyedad nga ginapanag-iyahan it gobyerno.
Ro mga madakpan suno kana hay posibleng magpangatubang it kasong kriminal ag makakas sa serbisyo.
Gin-aku man ni Malong nga may una pila eon sandang nadakpan nga pulis nga naga-prenda it andang firearms.
May ginapatigayun man sigon sandang inspekyon sa tanan nga taeatapan it pulisya sa rehiyon agud nga matumod kung ro mga armas nga gin-isyu it gobyerno hay una sa kada pulis.
Ginpahayag dugang nga ro naging paandam ni Brigadier General Rene Pamuspusan ko nagtaliwan nga adlaw hay kasunod sa insidente sa syudad it Iloilo kung siin gina-alegar nga mismong firearms it pulis ro gingamit sa krimen.
Nasayuran nga gintaw-an ro kada tawuhan it PRO-VI it sangka Glock 17 Generation 4 pistol para sa andang short firearms.
