Kalibo Aklan ——–Mas pang ginpabaskog it Police Regional Office 6 ro andang internal cleansing pinaagi sa pagpatigayon it serye nga mga drug tests.
Suno kay P/Lt. Col. Joem Malong, tagapaghambae it PRO-6 nga kada buean hay haeos 2,500 nga mga pulis ro andang ginapaidaeum sa drug tests kaibahan eon kara ro mga drug enforcement unit ag teams sa kada probinsiya .
Ro iba suno kana nga slot hay para sa surprised drug test nga ginapangunahan it Regional Crime Laboratory Office 6.
Gindugang pa ni Malong nga ro mga personnel nga magpositibo sa anuman nga tests nga ginapatigayon hay may posibilidad nga mapahalin sa serbisyo bangud sa kasong Conduct Unbecoming of a Police Officer.
Nagapanguna sigon makaron nga prayordad it PRO6 ro internal cleansing .
Nagpaandam pa raya nga anumang oras hay pwedeng makapatigayon it random drug testing ro pamunuan it PRO-6.
Kinahangean suno kana nga maging mapagbantay ro mga commanders it kada estasyon agud nga kon may mataeupangdan nga pulis nga nagagamit it iligal nga droga hay irekomenda raya para sa drug test .
Sa kamatuoran suno kana hay may ap-at eon nga pulis ro nasampolan sa region 6 ag napahalin sa serbisyo bangud sa paggamit it illegal drugs nga eubus nanda nga ginakasubo.
