Nagpawagan si House Ways and Means Chair ag Albay, 2nd district Representative Joey Salceda sa Department of Trade and Industry (DTI) ag Department of Agriculture (DA) nga makigbuligan sa canned fish sector angot sa mga ginakabaeak-an sa suplay, eabi eon sa sardinas kasunod sa pagsara it panyempo it pangingisda sa bahin it Zamboanga Peninsula, nga kada dag-on natatabo umpisa Disyembre 1 hasta Pebrero. 28.
Tuyo it close season na makapaabo it mga isda nga pagagamiton sa sardinas ag masiguro nga owa it kakueangan it de-latang sardinas sa masunod nga panyempo.
Sa makaron, ginpahayag ni Salceda, nga nagapabiling manageable ro supply levels sa sardinas bangud naabot it industriya ro 75,000 metrikong toneladang kinahangeanon karanag iga-imbak sa tyempo it pagsarado.
Ginpahayag dugang it house tax chief nga ro nakikita karang resulta it sardinas sa supermarkets hay ro mga manufacturers nga gustong eaktawan ro shelf-space fees sa supermarkets.
Bangud kara, nagapanawagan sanda sa maintok nga mga stakeholder it insigidang bulig para malikawan ro potensyal nga problemang maigatuga kara sa masunod nga mga dag-on.
