Matapos ro pilang buean nga grabeng init tuga it epekto it El Niño, ginpasiguro ni Sangguniang Panlalawigan Member Nemesio Neron nga nakapahaum eon ro probinsiya it Aklan sa tiempo it tig-ueuean ag pagtama it mga bagyo.
Suno sa Chairman it Committee on Disaster Preparedness nga naging sigidas ro pagpahaum it mga natungdan nga ahensiya it gobyerno agud nga mapahagan-hagan ro epekto it naka-abang nga problema kapareho it pagbaha, paghugos it eugta ag mga sakit.
Tuyo kara nga masiguro ro kaeowasan ag madasig nga paghatud it serbisyo ag bulig sa mga pumueuyu.
Dugang pa ni Neron nga sa ginpatigayon nanda nga budget deliberations hay maabu nga mga proposal ro gindihon ag sambilog sa nataw-an it pondo it provincial government hay ro pagpa-obra it revetment wall sa Sigcay Creek sa banwa it Banga nga kun sa siin nagapadayun ro construction makaron.
Tanan sigon nga nagakaigo nga tikang ag resources hay nakapahaum sa anuman nga matabu.
Kadungan kara, gin engganyo ni neron ro mga residente nga maging mapagbantay ag maghimo it proactive measures makaron nga tiempo it tag-uean eabi eon ro pag-monitor sa daeagan it tiempo, pagpahaum it go-bags, ag magsunod kon ginapa-evacuate it mga tawuhan it provincial disaster risk reduction and management office ukon PDRRMO ag natundan nga MDRRMO.