Ginpaidaeom eun sa Enhanced Community Quarantine ro bilog nga probinsya it Aklan.
Raya hay sandig sa Executive Order No. 20 series of 2020 nga ginpirmahan ag ginpaguwa ni Aklan Governor Florencio Miraflores kahapon, Marso 22.
Nakabaehag sa EO ni Gov. Miraflores ro pagsarado it tanan nga public ag private offices, bussiness ag commercial establishments mag-eowas eon lang sa public markets nga limitado eamang ro operasyon halin alas-5:00 it agahon hasta it alas-5:00 it hapon; supermarkets and grocery stores; hospitals, medical clinics, medical facilities, pharmacies and drug store; water refilling station, bangko ag iba pa.
Samtang, gina-obliga man ro mga media establishments nga hasta eon lang it alas-7:00 ro magiging operasyon it mga raya.
Sa pihak nga parte, hugot nga igaimplementar ro “no angkas policy” agud nga maipatuman ro social distancing nga sang metro kada isaea.
Ro tikang it gobyerno probinsyal hay agud nga mapabilin nga eowas sa 2019 coronavirus disease ukon COVID-19 pandemic ro probinsya it Aklan.
Epektibo ro EO ni Gov. Miraflores kaina it alas-12:01 it tungang gabie hasta sa Abril 15, 2020.
