KALIBO, Aklan—Extended it daywang domingo ukon hasta sa Agosto 15 ro General Community Quarantine ukon GCQ with heightened restrictions classification it probinsiya it Aklan.
Raya ro ginhimong anunsiyo ni Pangueong Rodrigo Duterte sa anang national address Miyerkules it gabi-i.
Suno kay Dr. Cornelio ‘Bong’ Cuatchon Jr. it Provincial Health Office ukon PHO-Aklan nga nageaum sanda nga mabutang sa MECQ ro probinsiya bangud sa nagatinaas nga kaso it COVID 19.
Apang maskin suno kana nga nagpabilin sa GCQ with heightened restrictions ro probinsya, ro mga provisions nga ginplastar ni Aklan Governor Florencio Miraflores sa anang executive order hay kapareho man sa MECQ bangud sa instriktong pagpatuman it border control checkpoints ag minimum health standards partikular ro pagsuksok it face masks ag face shield ag pag obserba it physical distancing.
Bawae gihapon nga makaguwa ro mga 18 anyos panaba mag-eowas kon may importanteng ginabakae ag magapabueong.
Nagapabilin nga sarado ro mga barber shops ag mga salons samtang take-out eamang ro ginapasugtan sa mga restaurants.
