Nagapabilin sa pitong kabanwa sa bilog nga probinsya it Aklan ro may nailistang kaso it African Swine Fever ukon ASF virus.
Suno kay Dr. Jospeh Lachica it Office of the Provincial Veterinarian ukon OPVET Aklan nga ginasapinal eon nanda makaron ro datos it mga apektadong baboy nga nagkaeamatay bangud sa virus.
Angot kara, ginaabisuhan sigon ro mga hog raisers nga kon mataeopangdan nga nagamasakit ro andang mga alagang baboy hay gilayon nga magreport sa andang municipal agriculturist office agud nga makahimo it tikang nga inde eon magkalhit ro virus.
Sa makaron suno kana hay may kanya-kaniyang executive order nga ginpaguwa ro mga alkalde it kabanwahanan nga kinahang-ean sundon bilang precautionary measures nga inde eon mag-eapta pa ro virus sa ibang baboy nga padayon nga nagakabuhi.
