Naging madinaeag-on ro partisipasyon it probinsya it Aklan sa 33rd Philippine Travel Mart nga ginpatigayon sa SMX Convention Center, MOA Complex Pasay City.
Suno kay Provincial Tourism Officer Roselle Ruiz, ginkabuligan it mga lokal government units ukon LGU’s ro gin set-up nga booth it Aklan kon siin highlights dikara ro mga nagkaeain-eain nga produkto ag serbisyo nga makit-an sa aton nga probinsya.
Nasayuran nga nagkaeain-eain nga probinsya ro nagpartisipar sa nasambit nga event kon siin oportunidad raya para kanda para maipromote ro Aklan.
Ginpahayag dugang nga naggastos ro gobyerno probinsyal para makipagbahin sa nasambit nga event kon siin mismong ro mga opisyales pa it probinsya ro nagserbe nga modelo sa ginpatigayon nga fashion ag cultural show.
Ginbida man ro Ati-atihan Festival nga ginakabig nga Mother of All Philippine Festivals.
Ro resulta kara hay inde magabalik sa gobyerno probinsyal kundi sa industriya it turismo nga amat-amat nga ginabangon halin sa pagkalugmok tuga it haeos daywang dag-on nga pagpanaeasa it pandemya.
Ro Philippine Travel Mart hay sambilog sa pinakamabahoe nga event sa nasyon.
