-- ADVERTISEMENT --
KALIBO, Aklan—Humampak eon sa 125 ro nailistang kumpirmadong kaso it Coronavirus Dosease 2019 ukon COVID-19 sa probinsya it Aklan.
Raya hay matapos nga madugangan it sambilog nga panibag-ong kaso ko adlaw it Martes, Oktobre 06 nga ginakaeakipan it 57-anyos nga eaeaki ag residente it banwang Balete.
Ro nasambit nga pasyente hay presente nga naka-isolate.
-- ADVERTISEMENT --
Sa datus nga ginpagguwa it Provincial Health Office (PHO)-Aklan, padayun nga nadudugangan ro mga nakarecover sa makataeapon nga sakit kung sa siin naga-abot eon raya makarun sa 99.
Samatang, nagapabilin nga 19 ro active cases sa probinsya ag pito ro namatay bangud sa sakit.
