KALIBO, Aklan—Kapin sa tatlo eon lang ro nailistang kaso it nagpositibo sa covid-19 sa bilog nga probinsya it Aklan.
Sa ginpaguwa nga datos it Aklan Provincial Epidemiology Surveillance Unit it Provincial Health Office, raya hay halin sa 61 ka mga swab samples nga gintest sa laboratoryo it Aklan nga ginakaeakipan it tig-sambilog maghalin sa banwa it Kalibo, Altavas ag Batan.
Bangud kara, nagsaka eon sa kabilugang 12,497 ro kaso it mga tinamaan it deadly virus.
Apang, 12,056 eon man ro nagmayad kara matapos nga nagpaidaeom sa pagbueong ag quarantine procedure.
Sa makaron hay kapin pa sa 126 ro ginamonitor nga aktibong kaso nga ginakaeakipan it 96 nga una sa facility quarantine; 19 ro naka-home quarantine ag 11 ro admitted.
Samtang, 315 eon man ro mga indibidwal nga binawian it hueam nga kinabuhi bangud sa nasambit nga pandemya.
