Nakalista it sangka bag-ong kaso it Delta variant it COVID-19 sa probinsya it Aklan, suno sa Department of Health Center for Health Development (DOH-CHD).
Ro pasyente hay sangka Returning Overseas Filipino (ROF) nga presenteng naka-isolate sa andang panimaeay.
Sa kabilugan, sumaka eon sa 22 ro numero it mga kaso it Delta variant sa Aklan.
Suno kay DOH Medical Officer III Dr. Bea Camille Fillaro-Natalaray, nagapatigayun eon it backward contact tracing ro natungdan nga lokal nga gobyerno agud nga matumod ro mga nakasalamuha it nasambit nga ROF nga tinamaan it Delta variant.
Samtang, nagapabalin man nga una sa ‘moderate risk’ ro Aklan matapos magnaba ro mga bag-ong kaso.
Padayun man ro panawagan it lokal nga gobyerno sa mga residente nga magsunod sa health protocols eabi eon ag una pa gihapon sa Modified Enhanced Community Quarantine (MECQ) ro bilog nga probinsya.
