Kapin sa 25 ro insidente it sunog nga nag-eontad sa bilog nga probinsya it Aklan ko buean it Marso.
Raya hay sa pihak it pauman-uman ag sigidas nga padumdom it Bureau of Fire Protection ukon BFP kon paano malikawan ro sunog sa panimaeay ag sa mga establisyimento.
Suno kay FO2 Arianne Ambrocio, tagapaghambae it BFP Aklan nga ginakasubo gid nanda rp numero it nasambit nga insidente bangud nga mabahoe raya nga kawad-an ag kalugihan sa mga naging biktima.
Kasunod it naeksperyensyahan nga mainit nga panyempo hay inde gid malikawan ro pila ka mga fire incident nga kaeabanan sa andang narespondehan hay residential fire, electrical ag grass fire.
May mga kahigayunan pa sigon nga ro pila sa mga rason ag padayon nga nagaeksister hay ro mga naaaywanan nga mga nakasaksak nga appliances nga nagaresulta sa pagka overheat ag mga ginaeaha sa dapog nga nalilipatan.
Pila sa mga fire incident nga andang narespondehan hay nagapabilin nga under investigation.
Angot kara, maskin bukon sigon it fire prevention month hay maging responsable sa sueod it panimaeay ag mga kagamitan agud nga malikawan ro sunog bangud nga ro mga BFP personnel hay uwa man naga-untat sa pagpadumdom sa publiko ag nagapabilin nga nakaalerto sa tanan nga oras.
