KALIBO, Aklan—Negatibo sa mga insidente it motornapping nga gina-obra nga pangabuhian ro mga gin-chop chop nga parte kara sa probinsiya it Aklan.
Raya ro ginpahayag ni P/Lt. Col. Reynaldo Alamin it Highway Patrol Group ukon HPG-Aklan.
Sa pihak kara, sigidas suno kana ro andang ginapatigayon nga inspection sa mga baealigyaan it mga segundamanong saeakyan ag spare parts agud nga malikawan ro pagbaligya it mga chop chop nga saeakyan.
Kaibahan sa andang gina-usisa sa pagpatigayon it inspection sa mga tag-ana it establisimento hay ro mga dokumento kapareho it CR/OR, updated DTI ag business permit kaibahan ro resibo ukon ro source it second hand spare parts.
Sa pihak nga parte, owa man sanda it namonitor nga nagabaligya it gin chop chop nga motorsiklo online.
