Kalibo Aklan ——-Nadugangan it ap-at nga bag-ong kaso ro presenteng datos it Aklan nga mga nagpositibo sa Coronavirus disease (COVID-19) samtang, daywa man ro nagpamayad matapos ro pagpaidaeom sa pagbueong ag quarantine period.
Apang, raya tanan hay subject for verification sandig sa case bulletin number 165 nga ginpaguwa it Center for Health Development-Western Visayas.
Sa kabilugan, 35 kaso eon it COVID-19 ro nailista it Aklan Provincial Epidemiology Surveillance and Response Unit (APESRU) halin kat nag-eopok ro pandemya sa bilog nga kalibutan.
Samtang, ro bilog nga Western Visayas hay nakalista eon it kapin sa 6,382 nga kaso it Covid-19.
Sa nasambit nga numero, may active cases nga 3,037 kon sa siin kapin sa 69.42% ro mga symptomatic.
Samtang, 3,251 eon man ro mga nagmayad matapos ro pagbueong ag quarantine period kamana man nagaabot sa 94 ro numero it mga namatay bangud sa nasambit nga sakit.
