-- ADVERTISEMENT --
KALIBO, Aklan—Gintalakay sa session it Sangguniang Bayan ro angot sa ginpaabot nga concern it mga opisyales it Barangay Linabuan Norte, Kalibo.
Raya hay may kaangtanan sa pagkasamad it andang barangay road tuga it pag-agi it mga daeagkuan nga truck nga may kargang baeas halin sa quarry site.
Plano sigon it barangay council nga sukton ro mga operator it naga-agi nga truck sa andang barangay para makaangkon it pondo para sa pag-ayos it nagakaguba nga karsada.
-- ADVERTISEMENT --
Ginpahayag man it pilang miyembro it Sangguniang Bayan nga kinahang-ean pang usisaon ag ipatawag ro barangay council para mayos nga maistoryahan ro nasambit nga proposisyon.
